Ղազախստանի հատուկ ծառայությունները լրտեսության և դավաճանության կասկածանքով ձերբակալել են մի խումբ անձանց, որոնց թվում կա օտարերկրյա պետության քաղաքացի։ Այս մասին երեքշաբթի հայտնել է Ղազախստանի Ազգային անվտանգության կոմիտեն։
Ձերբակալվածների նկատմամբ քրեական գործեր են հարուցվել «պետական դավաճանություն», «լրտեսություն», «պետական գաղտնիքների ապօրինի հավաքագրում և հրապարակում» հոդվածներով։
«Այս խմբի նկատմամբ դատարանը խափանման միջոց է ընտրել կալանավորումը։ Քրեական գործերը որակվում են որպես «գաղտնի», որոնց առնչությամբ, հետաքննության շահերից ելնելով, այլ տվյալներ չեն բացահայտվում», - ասվում է Ղազախստանի ազգային անվտանգության ծառայության հայտարարության մեջ։
