Ուկրաինայի նախագահի մամուլի քարտուղար Սերգեյ Նիկիֆորովը հայտարարել է, որ Զելենսկին մտադիր չէ հանդիպել ռուս միլիարդատեր Ռոման Աբրամովիչի հետ. «Նախագահը չի նախատեսում հանդիպել Աբրամովիչի հետ՝ ոչ այսօր, ոչ՝ երբևէ»։
«Bloomberg»-ը ավելի վաղ հայտնել էր, որ ռուս օլիգարխ Ռոման Աբրամովիչը այցելել է Կիև՝ փորձելու վերսկսել Ուկրաինայի և Ռուսաստանի միջև բանակցային ընդհատված գործընթացը։
Ինչպես հայտնում են «Financial Times»-ի աղբյուրները՝ ռուս-ուկրաինական խաղաղ բանակցություններին Աբրամովիչի մասնակցությանը Պուտինն անձամբ է հավանություն տվել։ Մինչ այս՝ «The Wall Street Journal»-ը գրել էր, որ նախագահ Վլադիմիր Զելենսկին խնդրել է իր ամերիկացի գործընկեր Ջո Բայդենին՝ պատժամիջոցներ չկիրառել ռուս օլիգարխի նկատմամբ՝ կապված բանակցություններում միջնորդ լինելու հետ։
