Իրանի Իսլամական Հանրապետության աշխատանքի նախարարության միջազգային հարցերով բաժնի տնօրեն Համեդ Ֆորուզան հայտարարել է, որ Իրանը ՀՀ-ում բիզնես կենտրոն կբացի՝ մշտական հիմունքներով, հայտնում է Mehr գործակալությունը:
Համաձայն հրապարակման՝ ՀՀ աշխատանքի և սոցիալական հարցերի նախարարության միջազգային հարցերով բաժնի ղեկավարի հետ վեբինարի ընթացքում հայտարարվել է, որ Իրանի և ՀՀ-ի միջև համագործակցության հուշագիր կստորագրվի՝ ծառայությունների և ապրանքների արտադրության, առևտրի ոլորտներում երկու կողմի հնարավորությունների հաստատման համար:
Կենտրոնի բացումը տեղի կունենա Իրանի աշխատանքի նախարարի՝ առաջիկայում Երևան կատարելիք այցի ժամանակ:
