Գերմանիայի իշխանությունները մտադիր են երկրից վտարել ռուսական դիվանագիտական ներկայացուցչությունների աշխատակիցներին, որոնք, իբր, կարող են աշխատել ռուսական հատուկ ծառայությունների համար։ Որոշումը կկայացվի այս շաբաթ: Այդ մասին երկուշաբթի օրը հայտնել է Bild թերթը։
Հրատարակության համաձայն՝ կանցլեր Օլաֆ Շոլցը մինչ այժմ հանձնարարել է ուսումնասիրել հարցը։ Խոսքը ռուս դիվանագետների զգալի թվի մասին է, մինչև 100 մարդ կարող է վտարվել։ Ավելի վաղ հրատարակությունը պնդում էր, որ Գերմանիայում ավելի քան 2000 մարդ կա, ովքեր, իբր, աշխատում են ռուսական հետախուզության համար։
Նման հայտարարությունները հնչեցին այն բանից հետո, երբ որոշ եվրոպական երկրներ, այդ թվում՝ Բելգիան, Նիդերլանդները և Իռլանդիան, մարտի 29-ին հայտարարեցին, որ ռուսական հատուկ ռազմական գործողության ֆոնին արտաքսում են ռուս դիվանագետներին։ Այսպիսով, 21 ռուս դիվանագետներ պետք է լքեն Բելգիան, 17 մարդ՝ Նիդերլանդները, չորսը՝ Իռլանդիան։ Ավելի վաղ Եվրամիության մի շարք այլ երկրներ, այդ թվում՝ Լիտվան, Լատվիան, Էստոնիան, Բուլղարիան, Լեհաստանը, Սլովակիան և Չեխիան, ռուս դիվանագետներից պահանջել էին լքել իրենց տարածքը։
