Միջազգային
Լիբանանի կառավարությունը հայտարարում է պետության և Կենտրոնական բանկի սնանկացման մասին
4 Ապրիլի 2022, 22:30
Լիբանանի փոխվարչապետ Սաադե Աշ Շամին հայտարարել է պետության և Լիբանանի Կենտրոնական բանկի սնանկացման մասին:
«Ցավոք, պետությունը սնանկացել է, ինչպես և Լիբանանի բանկը, և մենք ուզում ենք դրական արդյունքով դուրս գալ իրավիճակից: Իսկ կորուստները տասնամյակների քաղաքականության հետևանք են, և եթե մենք ոչինչ չձեռնարկեինք, դրանք ավելի շատ կլինեին»,-ասել է Ալ-Շամին։
Փոխվարչապետը նշել է, որ բանակցություններ են վարում Արժույթի միջազգային հիմնադրամի հետ՝ բանկային հատվածի բարեփոխման և վերակազմավորման, պետական պարտքի սպասարկման համար հավասարակշռված հարկաբյուջետային քաղաքականության, պետական հատվածի և էլեկտրաէներգետիկայի բարեփոխման, փոխարժեքի միասնականացման, դրամավարկային քաղաքականության և գնաճի դեմ պայքարի թեմաների շուրջ:
