Միջազգային
Լոնդոնը Կիևից անվտանգության երաշխիքների վերաբերյալ պաշտոնական հարցում չի ստացել
Մեծ Բրիտանիայի հետախուզության միացյալ կոմիտեի նախագահ Սայմոն Գասը նշել է, որ երկրի իշխանությունները պատրաստ են նպաստել Ուկրաինայում երկարաժամկետ խաղաղությանը։ Մեծ Բրիտանիայի իշխանությունները անվտանգության երաշխիքների վերաբերյալ պաշտոնական խնդրանք չեն ստացել Ուկրաինայից, սակայն պատրաստ են նպաստել երկրում երկարաժամկետ խաղաղությանը։ Այս մասին չորեքշաբթի հայտարարել է Միացյալ Թագավորության հետախուզության կոմիտեի նախագահ Սայմոն Գասը։
Ավելի վաղ՝ ռուս-ուկրաինական բանակցություններում, ուկրաինական պատվիրակության անդամ Ալեքսանդր Չալին ասել էր, որ Ուկրաինան համաձայնել է ամրագրել իր չեզոք և ոչ միջուկային կարգավիճակը, եթե իրեն տրվեն անվտանգության երաշխիքներ, որոնք «բովանդակությամբ և ձևով պետք է նման լինեն ՆԱՏՕ-ի 5-րդ հոդվածին»։ Երաշխավորների ցանկում, ըստ Կիևի, կարող են ընդգրկվել ՄԱԿ-ի Անվտանգության խորհրդի մշտական անդամները (ներառյալ Ռուսաստանը), ինչպես նաև՝ Գերմանիան, Իսրայելը, Իտալիան, Կանադան, Լեհաստանը և Թուրքիան:
