Միջազգային
Մեծ Բրիտանիան Աֆղանստանին 375 միլիոն դոլարի մարդասիրական օգնության կուղարկի
30 Մարտի 2022, 0:34
Մեծ Բրիտանիայի կառավարությունը լրացուցիչ 286 միլիոն ֆունտ (374,5 միլիոն դոլար) կհատկացնի՝ Աֆղանստանի ժողովրդին մարդասիրական օգնություն ցուցաբերելու համար։ Այս մասին ասվում է Մեծ Բրիտանիայի ԱԳՆ-ի՝ չորեքշաբթի տարածած հաղորդագրության մեջ։
«Դաշնակիցների և գործընկերների հետ մենք կանենք ավելին՝ Աֆղանստանին օգնելու համար»,- ասել է Մեծ Բրիտանիայի ԱԳՆ ղեկավար Լիզ Թրասը: ՄԱԿ-ի գնահատականներով՝ Աֆղանստանում մոտ 10 միլիոն երեխա հրատապ օգնության կարիք ունի:
Նշվում է, որ միջոցները կբաշխվեն ՄԱԿ-ի կառույցների ու ոչ կառավարական կազմակերպությունների միջոցով և ուղղակիորեն չեն ուղարկվի Աֆղանստանի կառավարությանը։
