Միջազգային
Պարսից ծոցի երկրները ձգտում են անվտանգության պայմանագիր կնքել Միացյալ Նահանգների հետ. Bloomberg
Պարսից ծոցի որոշ արաբական երկրներ ձգտում են գրավոր համաձայնություն կնքել Միացյալ Նահանգների հետ, որը երաշխավորում է նրանց ռազմական աջակցությունը Եմենի «Անսար Ալլահ» ապստամբ շարժմանը՝ հութիների դեմ նրանց պայքարում: Այս մասին չորեքշաբթի հայտնել է Bloomberg-ը՝ հղում անելով աղբյուրներին։
Գործակալության տվյալներով՝ Սաուդյան Արաբիան և Արաբական Միացյալ Էմիրությունները (ԱՄԷ), որոնք հիմնական շահագրգիռ կողմերն են, որոնց վրա պարբերաբար հարձակվում են հութիները, նախընտրում են համապարփակ պայմանագիր կնքել Միացյալ Նահանգների հետ՝ երաշխավորելով իրենց անվտանգությունը, սակայն ներկայիս աշխարհաքաղաքական իրավիճակում նրանք դիտարկում են նաև առանձին երկկողմ պաշտպանական համաձայնագրերի ստորագրման հնարավորությունը։
Որպես նման համաձայնագրի օրինակ՝ գործակալության աղբյուրները նշել են Ֆրանսիայի և ԱՄԷ-ի միջև համագործակցության համաձայնագիրը, որը նախատեսում է ռազմական օգնության տրամադրում «անվտանգությանը սպառնացող վտանգի» դեպքում։ Այս համաձայնագրի համաձայն՝ Ֆրանսիան հայտարարել է իր պատրաստակամությունը՝ երկրի օդային տարածքի անվտանգության ապահովման հարցում աջակցելու ԱՄԷ-ին՝ այն բանից հետո, երբ հութիները հունվարի 17-ին, անօդաչու թռչող սարքով և բալիստիկ հրթիռներով, հարձակում են իրականացրել Աբու Դաբիի ազգային նավթային ընկերության շինհրապարակի և Աբու Դաբիի միջազգային օդանավակայանի վրա։
Պարսից ծոցի նախաձեռնությունը տեղի է ունենում հութիների կողմից աճող հարձակումների, ինչպես նաև՝ Իրանի միջուկային համաձայնագրի վերականգնման գործընթացի ֆոնին, նշում է գործակալությունը: Սա տարածաշրջանում Իրանի ավանդական հակառակորդներին ստիպում է բանակցել ԱՄՆ-ի հետ՝ Մերձավոր Արևելքի անվտանգության նոր ռազմավարության ստեղծման շուրջ: Մասնավորապես, Պարսից ծոցի երկրների կողմից ԱՄՆ-ին ուղարկված առաջարկները մտավախություն են հարուցում, որ միջուկային գործարքի վերականգնումը Իրանին թույլ կտա՝ մեծացնել հութիներին արվող ռազմական աջակցությունը։
