Միջազգային
ԱՄՆ-ն գործարք չի կնքի Իրանի հետ, եթե վերջինս չհրաժարվի միջուկային ծրագրից
ԱՄՆ ազգային անվտանգության հարցերով խորհրդական Ջեյք Սալիվանը խոստովանել է, որ Ռուսաստանը առանցքային դեր է խաղացել ՄԱԿ-ի Անվտանգության խորհրդի մշտական հնգյակում և, մի քանի տարի առաջ, Գերմանիայի կողմից Իրանի հետ գործողությունների համատեղ ծրագրի մշակման գործում:
Միացյալ Նահանգները չի համաձայնի վերականգնել Իրանի հետ միջուկային համաձայնագիրը, եթե այն չփակի միջուկային զենք ստեղծելու՝ Թեհրանի ճանապարհը։ Այս մասին երեքշաբթի օրը՝ ճեպազրույցում, հայտարարել է ԱՄՆ ազգային անվտանգության հարցերով խորհրդական Ջեյք Սալիվանը։ Միաժամանակ, նա անպատասխան է թողել հարցը, թե արդյոք նման համաձայնություն կարելի է ձեռք բերել՝ առանց Ռուսաստանի մասնակցության։
«Կարծում ենք՝ եթե Իրանի հետ միջուկային համաձայնագիր կա, որը համապատասխանում է այն չափանիշներին, որոնք նախագահ Բայդենը սահմանել է՝ ստուգելի ճանապարհով փակելու Իրանի միջուկային զենքի ճանապարհը, մենք կգնանք այդ գործարքին, քանի որ դա բխում է ազգային անվտանգության շահերից, բայց մենք գործարք չենք կնքի, քանի դեռ այն չի հանդիպել նման մարտահրավերների»,- ասել է Սպիտակ տան խոսնակը։
Նա խոստովանել է, որ Ռուսաստանը առանցքային դեր է խաղացել ՄԱԿ-ի Անվտանգության խորհրդի մշտական հնգյակի և Գերմանիայի կողմից մի քանի տարի առաջ Իրանի հետ Գործողությունների համատեղ համապարփակ ծրագրի (ԳՀՀԾ) մշակման գործում. «Այդ գործարքի իրականացման հարցում Ռուսաստանի խաղացած առանցքային դերերից մեկն այն էր, որ Ռուսաստանը հարստացված ուրան ընդունեց Իրանից, որպեսզի Իրանի պաշարները չգերազանցեին 300 կգ-ը, այսինքն՝ պաշարներն այնքան փոքրանային, որ Իրանը չկարողանար շարժվել միջուկային մարտագլխիկ ստեղծելու ուղղությամբ: Դա կարևոր էր»:
