Միջազգային
Ուկրաինայում իրադրությունը կառավարում են Արևմուտքի ներկայացուցիչները. Լուկաշենկո
Բելառուսի նախագահ Ալեքսանդր Լուկաշենկոն հայտարարել է, որ Ուկրաինայում իրադրությունը կառավարում են Արևմուտքի ներկայացուցիչները, որոնք գտնվում են Կիևում:
Նրա խոսքով. «Զելենսկին չի ղեկավարում գործընթացներն Ուկրաինայում, նույնիսկ իր ռազմական խորհրդականները չեն խորհուրդ տալիս, թե ինչպես պետք է վարվել: Այնտեղ Ռուսաստանին հակազդեցությունն ամբողջությամբ կառավարում են ԱՄՆ-ի և Արևմուտքի ներկայացուցիչները: Բացի նրանից, որ նրանք պաշտոնապես մատակարարում են գերարդիական զենքը, ես կարծում եմ՝ հենց նրանք են ղեկավարում ռազմական գործընթացն Ուկրաինայում»:
Բելառուսի նախագահը վստահություն է հայտնել, որ Ուկրաինայում ռազմական գործողությունները շատ արագ կավարտվեն, եթե ԱՄՆ-ը խաղաղության հաստատման դիրքորոշում որդեգրի։ Լուկաշենկոն նաև պնդել է, որ Ուկրաինան չպետք է Ռուսաստանի վրա հարձակման հարթակ դառնա:
