Ղազախստանի Ֆինանսական մոնիտորինգի գործակալության աշխատակիցները ձերբակալել են գործարար, Ղազախստանի Ազգային պարաօլիմպիկ կոմիտեի նախագահ Կայրաթ Բորանբաևին։ Այս մասին հինգշաբթի հայտնել է գերատեսչության մամուլի ծառայությունը։
Մարտի 17-ին դատարանը Բորանբաևի նկատմամբ խափանման միջոց է կիրառել երկամսյա կալանքը։ «Հետաքննությունը շարունակվում է: Հետաքննության շահերից բխող այլ տեղեկություններ չեն հաղորդվում», - պարզաբանել է գործակալությունը։
Կայրաթ Բորանբաևը ծնվել է 1966թ.։ 2015-ից Ղազախստանի Ազգային պարաօլիմպիկ կոմիտեի նախագահն է։ Նախկինում նա զբաղեցնում էր «ԿազՌոսԳազ» ԲԸ տնօրենի պաշտոնը։ Ըստ ղազախստանյան «Forbes»-ի՝ Բորանբաևը հանրապետության ամենաազդեցիկ գործարարներից է։ Նրա դուստրն ամուսնացած էր երկրի առաջին նախագահ Նուրսուլթան Նազարբաևի թոռան՝ Այսուլթանի հետ։
