Միջազգային
Կատարի ԱԳՆ-ն հույս է հայտնել, որ Ուկրաինայում ստեղծված իրավիճակում խաղաղ ելքեր կգտնվեն
Գերատեսչության ղեկավար Մուհամեդ բեն Աբդուլ Ռահման Ալ Թանին նշել է, որ Կատարը մտադիր է հնարավոր բոլոր ջանքերը գործադրել՝ դիվանագիտական լուծումներ գտնելու համար։
«Կատարը հույս ունի, որ մոտ ապագայում ուկրաինական ճգնաժամի խաղաղ լուծումներ կգտնվեն, և մտադիր է բոլոր ջանքերը գործադրել՝ ստեղծված իրավիճակին խաղաղ լուծում գտնելու համար»․ երկուշաբթի հայտարարել է Կատարի փոխվարչապետ, ԱԳ նախարար Մուհամեդ բեն Աբդել Ռահման Ալ Թանին՝ ՌԴ ԱԳ նախարար Սերգեյ Լավրովի հետ բանակցություններում։
«Իմ այցը Մոսկվա տեղի է ունենում ողջ աշխարհի համար շատ դժվար ժամանակաշրջանում: Այսօրվա բանակցությունների ընթացքում ես ակնկալում եմ քննարկել այն իրադարձությունները, որոնք տեղի են ունենում Ուկրաինայում: Հուսով ենք՝ այս հակամարտության խաղաղ լուծումները կգտնվեն մոտ ապագայում», - ասել է Ալ Տանին։ «Կատարը մտադիր է հնարավոր բոլոր ջանքերը գործադրել՝ դիվանագիտական լուծումներ գտնելու և Ուկրաինայի իրադարձություններին հնարավորինս շուտ խաղաղ լուծում գտնելու համար», - հավելել է նա։
Ալ Թանիի խոսքով՝ կատարական կողմը ակնկալում է քննարկել նաև տարածաշրջանի հետ կապված այլ հարցեր։
