Միջազգային
Եվրահանձնաժողովը մտադիր է Ռուսաստանի դեմ պատժամիջոցների չորրորդ փաթեթը ներկայացնել
Եվրահանձնաժողովը մտադիր է այսօր ներկայացնել Ռուսաստանի դեմ պատժամիջոցների չորրորդ փաթեթը՝ հայտնել է Եվրահանձնաժողովի ղեկավար Ուրսուլա ֆոն դեր Լայենը։
Առաջարկված պատժամիջոցները նախատեսում են Ռուսաստանի անդամակցության կասեցումն Առևտրի համաշխարհային կազմակերպությանը, Արժույթի միջազգային հիմնադրամին և Համաշխարհային բանկին, Արևմուտքի երկրների հետ առևտրում Ռուսաստանի համար առավել բարենպաստ ռեժիմի վերացումը և այլն: Փաթեթը նաև ենթադրում է սահմանափակումներ արտահանման, ներդրումների ոլորտներում, շքեղ ապրանքների մատակարարման արգելք և կրիպտոարժույթների ձեռքբերման սահմանափակումներ ՌԴ քաղաքացիների նկատմամբ:
Նշվում է, որ Եվրահանձնաժողովը և «Մեծ յոթնյակի» երկրները մտադիր են շարունակել Ռուսաստանի վրա ճնշման մեծացումը, որպեսզի ստիպեն նրան դադարեցնել պատերազմական գործողությունն Ուկրաինայում:
