Ուկրաինայի նախագահ Վլադիմիր Զելենսկին ստորագրել է օրենք, որը բոլոր ուկրաինացիներին թույլ է տալիս ռազմական դրության պայմաններում զենք օգտագործել։ Փաստաթղթում նշվում է, որ Ուկրաինայի քաղաքացիները, ինչպես նաև օտարերկրացիները և քաղաքացիություն չունեցող անձինք, որոնք օրինական հիմքերով գտնվում են երկրում, կարող են ստանալ հրազեն և զինամթերք։
«Քաղաքացիական անձինք պատասխանատվություն չեն կրում Ուկրաինայի դեմ զինված ագրեսիա իրականացնող անձանց նկատմամբ հրազենի կիրառման համար, եթե այդպիսի զենքն օգտագործվում է ըստ սահմանված կարգի»,- ասված է օրենքում։
