Բելառուսի սահմանադրության փոփոխությունների և լրացումների հանրաքվեն անցկացվում է այսօր՝ փետրվարի 27-ին։ Արտահերթ քվեարկությունը սկսվել է փետրվարի 22-ին և տևել մինչև փետրվարի 26-ը ներառյալ։
Երկրում ընտրատեղամասերը բացվել են տեղական ժամանակով ժամը 8։00-ին (համընկնում է Մոսկվայի ժամանակին) և կշարունակեն աշխատել մինչև 20։00-ն ներառյալ։ Ընդհանուր առմամբ Բելառուսում ձևավորվել է 5510 ընտրատեղամաս, որտեղ երկրի քաղաքացիները կարող են մասնակցել հանրաքվեի։ Ըստ ԿԸՀ-ի՝ հանրաքվեի մասնակիցների ցուցակներում ընդգրկված է 6 818 948 մարդ։
