Միջազգային
ԱՄՆ-ն պատրաստ է պատժամիջոցներ կիրառել Սբերբանկի և ՎՏԲ-ի դեմ. Bloomberg
ԱՄՆ նախագահ Ջո Բայդենի վարչակազմը անհրաժեշտության դեպքում պատրաստ է պատժամիջոցներ կիրառել ռուսական այլ ֆինանսական հաստատությունների, մասնավորապես՝ «Սբերբանկ» և «ՎՏԲ» բանկերի դեմ․ հայտնել է Bloomberg-ը՝ վկայակոչելով իր աղբյուրներին։ Գործակալության աղբյուրը հավելել է, որ ռուսաստանյան «ոչ մի ֆինանսական հաստատություն ապահով չի լինի, եթե ներխուժումը շարունակվի»։
ԱՄՆ-ն պատժամիջոցներ է կիրառել նաև ВЭБ ռուսական պետական կորպորացիային պատկանող կազմակերպությունների դեմ և արգելել է երկրորդային շուկայում Ռուսաստանի ֆինանսների նախարարության, Ռուսաստանի բանկի կամ Ազգային բարեկեցության հիմնադրամի կողմից թողարկված պետական պարտատոմսերի գնումը՝ 2022թ. մարտի 1-ից հետո։ ВЭБ-ի հետ մեկտեղ՝ սահմանափակումների տակ են հայտնվել նրա 25 դուստր ձեռնարկություններ, որոնց թվում են OFAC ցուցակները ВЭБ-Leasing, Russian Export Center, Roseximbank, Sibuglemet, ВЭБ-ի դուստր բանկերը՝ Ուկրաինայում և Բելառուսում: Պատժամիջոցների տակ էր նաև ԲԿՄԱ ֆուտբոլային ակումբը, որի 77,6%-ը պատկանում է ВЭБ-ին։
