Ռուսաստանի նախագահ Վլադիմիր Պուտինի ղեկավարությամբ փետրվարի 19-ին տեղի կունենան ռազմավարական զսպման ուժերի պլանային վարժանքներ՝ հայտնել են ՌԴ պաշտպանության նախարարությունից: Զորավարժությունների ընթացքում կկիրառվեն բալիստիկ և թևավոր հրթիռներ:
ՌԴ նախագահի մամուլի խոսնակ Դմիտրի Պեսկովը հայտարարել է, որ զորավարժությունների ժամանակ Վլադիմիր Պուտինը գտնվելու է ՌԴ պաշտպանության նախարարության կառավարման իրավիճակային կենտրոնում։ Նա չի բացառել, որ զորավարժություններին կարող է հետևել նաև Բելառուսի նախագահ Ալեքսանդր Լուկաշենկոն, որն այժմ Ռուսաստանում է:
