Բելգիայում աշխատողների կյանքի որակը բարձրացնելու նպատակով ավելի վաղ հայտարարվել էր, որ հազարավոր պետական ծառայողներ այլևս ստիպված չեն լինի պատասխանել իրենց ղեկավարների զանգերին կամ էլ. նամակներին՝ աշխատանքային ժամերից դուրս: Շուրջ 65․000 պետական աշխատողներ վաստակեցին «անջատման իրավունք»՝ կարգավորումը, որը թույլ է տալիս աշխատանքի և կյանքի ավելի լավ բալանս ունենալ:
Այժմ, աշխատողների բարելավման մեկ այլ քաղաքականության համաձայն, Բելգիայում աշխատողները չորսօրյա աշխատանքային շաբաթվա իրավունք կունենան: Երկրի կոալիցիոն կառավարության կողմից համաձայնեցված բարեփոխումների փաթեթը նաև աշխատողներին իրավունք կտա անջատել աշխատանքային սարքերը և անտեսել աշխատանքի հետ կապված հաղորդագրությունները՝ առանց պատժվելու վախի:
Բելգիայի աշխատանքի նախարարն ասել է, որ որոշումը կայացնում է աշխատողը. «Դա պետք է արվի աշխատողի խնդրանքով, իսկ գործատուն պարտավոր է հիմնավոր պատճառաբանել ցանկացած մերժում»:
Աշխատակիցները կարող են պահանջել չորսօրյա աշխատանքային շաբաթ՝ փորձնական վեցամսյա ժամկետով: Ցանկության դեպքում նրանք կարող են շարունակել դա կամ հրաժարվել: Կրճատված աշխատանքային շաբաթը որոշակիորեն տարբերվում է այլ երկրների և ընկերությունների ընդունածից, որի դեպքում հանվում է աշխատանքային շաբաթվա մեկ օրը՝ չլրացնելով դա՝ ի հաշիվ մնացած չորս օրերի աշխատաժամանակը երկարացնելու:
Բելգիայի ծրագիրը կխտացնի ընթացիկ հնգօրյա շաբաթը չորս օրվա մեջ: Աշխատակիցները չորս օրից յուրաքանչյուրն ավելի երկար կաշխատեն:
Շոտլանդիան ևս սկսել է փորձնական քառօրյա աշխատանքային շաբաթի կիրառումը։ Ըստ որոշման՝ աշխատանքային ժամերը կրճատվել են 20%-ով, սակայն աշխատողները փոխհատուցում չեն ստանա։
Իսպանիայի կառավարությունը համաձայնվել է երեք տարվա ընթացքում անցնել 32-ժամյա աշխատանքային շաբաթի՝ առանց աշխատողների փոխհատուցման կրճատման: Պիլոտային ծրագիրը, ինչպես անում է Շոտլանդիան, մտադիր է նվազեցնել գործատուների ռիսկը` ստիպելով կառավարությանը լրացնել աշխատավարձի տարբերությունը, երբ աշխատողները անցնում են չորսօրյա գրաֆիկի:
Ճապոնիան հետևում է Իսպանիային. երկիրը դիտարկում է քառօրյա աշխատանքային շաբաթի անցնելու հնարավորությունը։
ԱՄԷ-ն սկսել է 2022թ․-ը, որպես աշխարհում առաջին երկիրը, որը ընդունել է չորսուկեսօրյա աշխատանքային շաբաթ: Երկրի բոլոր կառավարական մարմինները կաշխատեն շաբաթական չորսուկես օր, ընդ որում՝ հանգստյան օրերը սկսվում են ուրբաթ կեսօրից և կտևեն մինչև կիրակի:
