Ուկրաինայի նախագահ Վլադիմիր Զելենսկին հայտարարել է, որ 2023թ. որոշիչ կլինի Ռուսաստանի հետ պատերազմում։
Ուկրաինացիներին ուղղված երեկոյան ուղերձում պետության ղեկավարը նշել է, որ այսօր գերագույն գլխավոր հրամանատարի խորհրդի նիստ է անցկացրել, որը այս տարվա ընթացքում արդեն 44-րդն է։
Նա ընգծել է, որ կողմնորոշվել են առաջիկա քայլերի հարցում։
«Շարունակում ենք պատրաստել Ուկրաինայի պաշտպանության և անվտանգության ուժերը հաջորդ տարվան։ Դա պետք է լինի որոշիչ տարի: Մենք հասկանում ենք, թե ինչ ռիսկեր կան ձմռանը, հասկանում ենք, թե ինչ պետք է անենք գարնանը, ինչը նշանակում է, որ հասկանում ենք, թե ինչ արդյունքներ պետք է ցույց տա պաշտպանության և անվտանգության ողջ ոլորտը»,- ասել է Զելենսկին։
