Խերսոնի համար մարտը դեռ ավարտված չէ, բայց ռուսական զորքերը մտել են նոր փուլ՝ նրանք չեն ձգտում ամբողջությամբ կասեցնել ուկրաինական հակահարձակումը, այլ առաջնահերթություն են տալիս Դնեպրով իրենց ուժերի կանոնավոր դուրսբերմանը: Այդ մասին գրում է պատերազմի ուսումնասիրման ամերիկյան ինստիտուտն իր ամենօրյա զեկույցում։
Ըստ ինստիտուտի փորձագետների՝ ռուսական բանակի նահանջը Դնեպրի արևմտյան ափից հազիվ թե ծուղակ լինի, որը նախատեսված է ուկրաինական զորքերին Խերսոնի մոտ ծանր կորուստներով մարտում թակարդը գցելու համար:
Միևնույն ժամանակ, ուկրաինական ուժերը տարածքային նվաճումներ են ունեցել Խերսոնից հյուսիս-արևելք և շարունակում են հաջող առաջխաղացումը:
