Լուգանսկի շրջանային ռազմական վարչակազմի ղեկավար Սերգեյ Գայդայը հայտնել է, որ ռուսական զորքերը մոտենում են Լիսիչանսկին՝ ամրանալով մոտակա բնակավայրերում։
Նրա խոսքով՝ քաղաքը հրետակոծվում է հրետանու, տանկերի, ավիացիայի կողմից։ Հրթիռային հարվածներ են հասցվել ոստիկանության, դատախազության և ԱԱԾ-ի շենքերին։ Առնվազն երեք խաղաղ բնակիչ վիրավոր է։ Ավելի վաղ հաղորդվում էր, որ ռուսական զորքերը որոշակի հաջողության են հասել հարավում՝ դեպի Լիսիչանսկ առաջխաղացման ժամանակ։
