Միջազգային
Ուկրաինան հրթիռակոծել է Սև ծովի ռուսական նավթային պլատֆորմներից մեկը
«Չեռնոմորնեֆտեգազ»-ը գազի և նավթի հանքավայրեր է շահագործում Սև և Ազովի ծովերի շրջանում, ինչպես նաև Ղրիմի ափամերձ հատվածում։ «Չեռնոմորնեֆտեգազ»-ի աշտարակները գտնվում են Ղրիմի արևմտյան ափին:
ՌԴ պաշտպանության նախարարությունը պարեկային նավերի և ինքնաթիռների մասնակցությամբ փրկարարական գործողություն է իրականացնում Չեռնոմորնեֆտեգազի հորատման հարթակների վրա հարձակման տարածքում։ Հարթակներում եղել է 12 մարդ։ Նրանցից հինգին հաջողվել է փրկել, երեքը վիրավորվել են, մնացածի որոնողական աշխատանքները շարունակվում են, տեղեկացնում է BBC-ն։
Ուկրաինայի իշխանությունները և Ուկրաինայի զինված ուժերը դեռ չեն մեկնաբանել հարթակի վրա հարձակման մասին հաղորդագրությունը, սակայն Ռադայի պատգամավոր Ալեքսեյ Գոնչարենկոն ավելի վաղ, հղում անելով իր աղբյուրներին, ասել էր, որ ուկրաինական բանակը կրակ է բացել աշտարակների ուղղությամբ։
