Նորվեգիան Ուկրաինային է փոխանցել 22 միավոր M109 ինքնագնաց հրետանային կայանքներ, հաուբիցներ՝ իրենց սարքավորումներով, պահեստամասերով և զինամթերքով։ Այդ մասին ասվում է կառավարության հաղորդագրության մեջ։ «Ուկրաինայում պատերազմի ծավալումը ցույց է տալիս, որ այժմ անհրաժեշտ է նվիրաբերել ավելի ծանր տեխնիկա և սպառազինության համակարգեր»,- ասել է Նորվեգիայի պաշտպանության նախարար Բյորն Արիլդ Գրամը։ Միաժամանակ, Նորվեգիայի ԶՈՒ-ն Կիև տեղափոխված զինատեսակները փոխարինել է հարավկորեական նոր հրետանով։
