Միջազգային
Ռուսաստանը ՀՕՊ համակարգեր է տեղափոխել Զմեյնի կղզի. բրիտանական հետախուզություն
6 Հունիսի 2022, 13:29
Ուկրաինայում տիրող իրավիճակի վերաբերյալ բրիտանական ռազմական հետախուզության հերթական զեկույցում ասվում է, որ «Մոսկվա» հածանավի կորստից հետո ռուսական բանակը ՀՕՊ համակարգեր, այդ թվում՝ «Տոր» և «Պանցիր» հրթիռային համակարգեր է տեղափոխել Սև ծովի Զմեյնի կղզի։
«Հավանաբար, այդ զինատեսակները նախատեսված են Զմեյնի կղզու մոտ գործող ռուսական ռազմանավերին հակաօդային պաշտպանությամբ ապահովելու համար»,- նշում է բրիտանական հետախուզությունը։ Նրա կարծիքով՝ Սերպենտինի մոտ ռուսական բանակի գործողությունները «օգնում են շրջափակել ուկրաինական ափը և կանխել ծովային առևտրի վերսկսումը, ներառյալ՝ ուկրաինական հացահատիկի արտահանումը»:
