Միջազգային
Բլինքենն ու Կուլեբան քննարկել են Կիևին ռազմական օգնություն ցուցաբերելու հարցը
Պետդեպարտամենտի մամուլի ծառայության ղեկավար Նեդ Փրայսին տեղեկացրել է, որ ԱՄՆ պետքարտուղար Էնթոնի Բլինքենը և Ուկրաինայի արտաքին գործերի նախարար Դմիտրի Կուլեբան հեռախոսազրույցում քննարկել են համաշխարհային պարենային անվտանգությունը և Կիևին ռազմական օգնությունը:
Նրա խոսքով՝ արտաքին քաղաքական գերատեսչությունների ղեկավարները քննարկել են անվտանգության ոլորտում Ուկրաինային շարունակվող ամերիկյան օգնությունը. «ԱՄՆ պետքարտուղարը և Ուկրաինայի արտաքին գործերի նախարարը կիսվել են պարենային անվտանգության ոլորտում համաշխարհային ճգնաժամի կարգավորման ջանքերի մասին տեղեկատվությամբ»:
Հեռախոսազրույցի ընթացքում Բլինքենը ընդգծել է, որ ԱՄՆ-ն, նրա դաշնակիցներն ու գործընկերները կշարունակեն գործողությունների սերտ համակարգումը ՝ Ուկրաինային աջակցելու եւ ռազմական գործողությունների գլոբալ հետեւանքները վերացնելու համար:
