ԱՄՆ-ն ծրագրում է հաջորդ շաբաթ հայտարարել Ուկրաինային ռազմական օգնության նոր փաթեթի մասին, որը կարող է ներառել մի քանի հեռահար հրթիռային կայանքներ։ Այս մասին հինգշաբթի հայտնել է CNN-ը՝ հղում անելով ԱՄՆ վարչակազմի աղբյուրներին։
CNN-ի հաղորդմամբ՝ ԱՄՆ նախագահ Ջո Բայդենի վարչակազմը պատրաստվում է Ուկրաինա ուղարկել հեռահար հրթիռների առաջադեմ համակարգեր։ Վարչակազմը հակված է այդ համակարգերը ներառել Ուկրաինային տրամադրվող ռազմական օգնության ընդլայնված փաթեթում, որը կարող է հայտարարվել հաջորդ շաբաթ։ Ամերիկյան ղեկավարությունը մի քանի շաբաթ չէր ուղարկում այդ զենքերը Կիև՝ վախենալով, որ ուկրաինացի զինվորականները «կարող են դրանք օգտագործել Ռուսաստանի տարածքում հարձակողական գործողությունների համար»։
