Միջազգային
Մոսկվայի հետ խաղաղության պայմանագիրը կարող է բաղկացած լինել երկու փաստաթղթից. Զելենսկի
16 Ապրիլի 2022, 21:00
Կիևի և Մոսկվայի միջև խաղաղության պայմանագիրը կարող է բաղկացած լինել երկու առանձին փաստաթղթից, որոնցից մեկը պետք է վերաբերի երկրի անվտանգության երաշխիքներին, մյուսը՝ Ռուսաստանի հետ հարաբերություններին։ Այս մասին հայտարարել է Ուկրաինայի նախագահ Վլադիմիր Զելենսկին:
«Իրավիճակը երկրում շատ ծանր է։ Մեր զինվորներն արգելափակված են։ Եթե Ռուսաստանը ոչնչացնի Մարիուպոլը պաշտպանող ուկրաինացի զինվորականներին, հետագա խաղաղ բանակցություններն անհնար կդառնան։ Մեր տարածքները և ժողովուրդը սակարկման ենթակա չեն»,- նշել է Ուկրաինայի նախագահը։
Զելենսկին հավելել է, որ բանակցային գործընթացը դեռևս շարունակվում է։
