Միջազգային
«Ուկրաինայում հակամարտությունն առաջիկա շաբաթներին չի ավարտվի». Մակրոն
8 Ապրիլի 2022, 12:43
Ֆրանսիայի նախագահ Էմանուել Մակրոնը ուրբաթ օրը՝ RTL ռադիոկայանի եթերում, ասել է, որ Ուկրաինայում հակամարտությունը չի ավարտվի մոտակա շաբաթների ընթացքում։ Նա կոչ է արել մարդասիրական օգնություն ցուցաբերել Ուկրաինայի բնակչությանը. «Մենք չպետք է առաջիկա շաբաթներին Ռուսաստանից դիվանագիտական զիջումներ սպասենք։ Դա տեղի չի ունենա մինչև մայիսի կեսերը»,- ասել է Մակրոնը՝ ներկաներին հիշեցնելով, որ Ռուսաստանը մայիսի 9-ը նշում է որպես Հաղթանակի օր։
Ֆրանսիայի ղեկավարը միաժամանակ ընդգծել է, որ ռազմական գործողությունների յուրաքանչյուր նոր օր «վաղվա օրն ավելի է բարդացնում»: «Եվրոպայում խաղաղություն չի լինի, եթե չմտածես վաղվա օրվա մասին»,- նկատել է նա։
