Միջազգային
Լեհաստանը, ԱՄՆ-ի մասնակցությամբ, պատրաստ է դառնալ Ուկրաինայի անվտանգության երաշխավոր
1 Ապրիլի 2022, 13:14
Լեհաստանի փոխվարչապետ, Պետանվտանգության կոմիտեի նախագահ Յարոսլավ Կաչինսկին Ուկրաինայի անվտանգության երաշխավորի դերից Լեհաստանի հրաժարման պատճառ չի տեսնում, եթե դրան համաձայնվեն այլ խոշոր երկրներ, այդ թվում՝ ԱՄՆ-ն։ Այդ մասին նա հայտարարել է ուրբաթ օրը՝ լեհական ռադիոյի եթերում։
Ավելի վաղ ռուս-ուկրաինական բանակցություններում Կիևի պատվիրակության անդամ Ալեքսանդր Չալին ասել էր, որ Ուկրաինան համաձայն է ամրագրել իր չեզոք և ոչ միջուկային կարգավիճակը, եթե իրեն տրվեն անվտանգության երաշխիքներ, որոնք բովանդակությամբ և ձևով նման կլինեն ՆԱՏՕ-ի 5-րդ հոդվածին։
Երաշխավորների թիվը, ըստ Կիևի, կարող է ներառել ՄԱԿ-ի Անվտանգության խորհրդի մշտական անդամներին (ներառյալ Ռուսաստանը), ինչպես նաև՝ Գերմանիան, Իսրայելը, Իտալիան, Կանադան, Լեհաստանը և Թուրքիան:
