«Հակառակ դեպքում՝ նա չէր կարողանա մտնել Թուրքիա, ինչպես պատժամիջոցների տակ գտնվող մյուս բոլոր ձեռնարկատերերը»,- ասել է Իբրահիմ Քալինը։
«Գործարար Ռոման Աբրամովիչը Ստամբուլում է՝ որպես Ռուսաստանի կողմից նշանակված բանակցող, այլապես՝ նա չէր կարողանա Թուրքիա մտնել, ինչպես պատժամիջոցների տակ գտնվող մյուս բոլոր ձեռնարկատերերը»․ այսպիսի հայտարարություն է արել Թուրքիայի նախագահի պաշտոնական ներկայացուցիչ Իբրահիմ Քալինը՝ CNN-ին տված հարցազրույցում։
«Մենք պատժամիջոցների տակ ոչ ոք չունենք: Աբրամովիչը Թուրքիա է եկել բանակցողների թիմի կազմում: Նա եկել է որպես մեկը, ում նշանակել է Ռուսաստանի նախագահ Պուտինը՝ որպես բանակցող»,- պնդել է նա: Ռուսաստանի նախագահի մամուլի քարտուղար Պեսկովը հայտնել է, որ Աբրամովիչը մասնակցել է Ուկրաինայի հետ բանակցությունների սկզբնական փուլին։
