Միջազգային
Չինաստանը Ուկրաինային կտրամադրի 1,6 մլն դոլարի մարդասիրական օգնություն
Չինաստանի իշխանությունները որոշել են Ուկրաինային տրամադրել 10 մլն յուան ի(մոտ 1,57 մլն դոլար) մարդասիրական օգնության լրացուցիչ խմբաքանակ։ Այս մասին երկուշաբթի օրը կայացած ճեպազրույցում հայտարարել է Չինաստանի ԱԳՆ ներկայացուցիչ Վան Վենբինը։
«Չինաստանի կառավարությունը որոշել է Ուկրաինային տրամադրել 10 միլիոն յուանի չափով մարդասիրական օգնության հավելյալ խմբաքանակ՝ ըստ իրավիճակի զարգացման և կարիքների։ Չինական կողմը կշարունակի կառուցողական դեր խաղալ Ուկրաինայում հումանիտար իրավիճակը հարթելու գործում և մտադիր է նպաստել այդ ճգնաժամի հաղթահարմանը»,- եզրափակել է դիվանագետը։
Մարտի 9-ին Չինաստանի ԱԳՆ-ն հայտարարեց, որ չինական Կարմիր խաչի ընկերությունը Ուկրաինային տրամադրել է 5 միլիոն յուանի (մոտ 787 հազար դոլար) մարդասիրական օգնության առաջին խմբաքանակը։ Այն ներառում էր սնունդ, առաջին անհրաժեշտության իրեր և այլն։ Բեռների առաջին խմբաքանակը առաքվել է մարտի 12-ին։
