Միջազգային
Ուկրաինայում դադարեցվել է մի շարք կուսակցությունների գործունեությունը
Ըստ «Ռիա Նովոստի»-ի՝ Վլադիմիր Զելենսկին հայտարարել է, որ երկրում ռազմական դրության պայմաններում Ուկրաինայի Ազգային անվտանգության և պաշտպանության խորհուրդը դադարեցրել է մի շարք ընդդիմադիր կուսակցությունների, այդ թվում՝ «Ընդդիմադիր հարթակ՝ ցմահ» կուսակցության գործունեությունը։
Խոսքը Վիկտոր Մեդվեդչուկի «Ընդդիմության հարթակ՝ ցմահ», «Շարիի կուսակցություն»-ի և «Նաշիխ»-ի մասին է։ Բացի այդ, կասեցվել են «Ընդդիմադիր դաշինք»-ի, «Ձախ ընդդիմություն»-ի, «Ձախ ուժերի միություն»-ի, «Տերություններ»-ի, «Ուկրաինայի առաջադիմական սոցիալիստական կուսակցություն»-ի, «Ուկրաինայի սոցիալիստական կուսակցություն»-ի, «Սոցիալիստներ»-ի և «Վլադիմիր Սալդոյի դաշինք»-ի գործունեությունը։
Ուկրաինայի արդարադատության նախարարությանը հանձնարարված է «անհապաղ» համապատասխան միջոցներ ձեռնարկել թվարկված քաղաքական ուժերի դեմ։
