Միջազգային
Ավստրալիան նոր պատժամիջոցներ է սահմանել ռուսական 11 բանկերի նկատմամբ
18 Մարտի 2022, 10:45
Ավստրալիան նոր պատժամիջոցներ է սահմանել ռուսական 11 բանկերի և պետական կառույցների դեմ։ Այդ մասին նշվում է Ավստրալիայի ԱԳ նախարար Մարիս Փեյնի հայտարարության մեջ։
«Այսօրվա ցուցակը ներառում է Ռուսաստանի ազգային բարեկեցության հիմնադրամը և ՌԴ ֆինանսների նախարարությունը: Պատժամիջոցների ցանկում Ռուսաստանի Կենտրոնական բանկի ներառումից հետո Ավստրալիան այժմ թիրախավորում է բոլոր ռուսական պետական կառույցները, որոնք պատասխանատու են Ռուսաստանի սուվերեն պարտքի թողարկման և կառավարման համար»,- ասված է հայտարարության մեջ:
Փեյնը հայտարարել է նաև նոր պատժամիջոցների մասին ռուս գործարարներ Վիկտոր Վեկսելբերգի և «Ռուսալ» ալյումինե ընկերության ղեկավար Օլեգ Դերիպասկայի նկատմամբ, որին պատկանում է ավստրալիական Queensland Alumina ընկերության 20 տոկոսը:
