Ղազախստանի նախագահի մամուլի քարտուղար Ռուսլան Ժելդիբայը հայտնել է, որ Ղազախստանի նախագահ Կասիմ-Ժոմարտ Տոկաևը կմասնակցի մայիսի 9-ին Ռուսաստանում կայանալիք շքերթին։
«Մայիսի 9-ին Ռուսաստանի նախագահ Վլադիմիր Պուտինի հրավերով Կասիմ-Ժոմարտ Տոկաևը կմասնակցի Հայրենական մեծ պատերազմում տարած հաղթանակի 78-րդ տարելիցին նվիրված շքերթին», - ասվում է հաղորդագրության մեջ։ Նշվում է, որ ռուսական կողմը հանդիսավոր միջոցառմանը հրավիրել է ԱՊՀ երկրների ղեկավարներին։
Մայիսի 9-ի միջոցառումներին կմասնակցեն նաև Տաջիկիստանի և Ղրղզստանի նախագահները։
