Միջազգային
«Ես պատրաստ եմ բանակցել Պուտինի հետ, եթե նա որոշի դադարեցնել պատերազմն Ուկրաինայում». Բայդեն
2 Դեկտեմբերի 2022, 11:19
ԱՄՆ նախագահ Ջո Բայդենը Վաշինգտոնում Ֆրանսիայի նախագահ Էմանուել Մակրոնի հետ բանակցություններից հետո կայացած մամուլի ասուլիսում հայտարարել է, որ պատրաստ է բանակցել Ռուսաստանի նախագահ Վլադիմիր Պուտինի հետ, եթե նա որոշի դադարեցնել Ուկրաինայի պատերազմը։
Էմանուել Մակրոնն էլ ասուլիսի ժամանակ վստահեցրել է, որ Ֆրանսիան և ԱՄՆ-ն մտադիր չեն ճնշել Ուկրաինային՝ բանակցային գործընթացին մասնակցելու համար։
«Մենք երբեք ճնշում չենք գործադրի Ուկրաինայի վրա, որպեսզի նա իր համար անընդունելի փոխզիջումների գնա»,- ասել է Ֆրանսիայի նախագահը։ Նրա խոսքով՝ առաջիկա շաբաթների ու ամիսների ընթացքում իրավիճակի զարգացումը, ինչպես նաև ուկրաինական կողմի որոշումը թույլ կտան հասկանալ, թե որ պահն առավել հարմար կլինի բանակցությունների համար։
