Հասարակություն
«Անցում կկատարվի էլեկտրոնային դեղատոմսերի համակարգին». նախարար
Առողջապահության նախարար Անահիտ Ավանեսյանը հայտարարել է, որ առաջիկայում անցում կկատարվի էլեկտրոնային դեղատոմսերի համակարգի․
«Այստեղ քաղաքացու՝ էլեկտրոնային գործիքներին հասանելիության խնդիր չկա. բժիշկը էլեկտրոնային ձևաչափով դուրս է գրում դեղատոմս, դեղատները միացած են համակարգին: Քաղաքացին անձը հաստատող փաստաթղթով մոտենում է դեղատանը, դեղատունը հասանելիություն է ստանում էլեկտրոնային դեղատոմսին և բաց թողնում դեղը: Այստեղ քաղաքացու հավելյալ գործողությունների կարիքը չկա:
Բոլոր դեղատները միացել են համակարգին, գործարկված են բոլոր մեխանիզմները: Հիմա ևս փորձարարական ձևով դուրս են գրվում դեղատոմսեր: Մենք տարվա կեսից կանցնենք լրիվ էլեկտրոնային դեղատոմսերի»,-ասել է նա։
Ըստ նրա՝ դեռ 2023-ից միայն պետական կենտրոնացված գնումներով դեղերն ամբողջությամբ անցել են էլեկտրոնային դեղատոմսերի, այս տարի գործընթացը կշարունակվի, և տարվա ընթացքում ընդհանրապես թղթային դեղատոմսերի շրջանակից դուրս կգանք:
