Քաղաքական
Երևանի ավագանու ընտրություններին այս պահին առաջադրվել է 8 կուսակցություն
12 Օգոստոսի 2023, 18:50
Օգոստոսի 12-ի առավոտյան ԿԸՀ են այցելել «Ուժը հայրենյաց» կուսակցության ներկայացուցիչները։ Այս մասին հայտնում են Կենտրոնական ընտրական հանձնաժողովից։
Կեսօրին էլ առաջադրումների համար եկել են «Հանրային ձայն» և «Ազգային առաջընթաց», իսկ աշխատանքային օրվա ավարտին՝ «Հաղթանակ» կուսակցությունների ներկայացուցիչները։
Այսպիսով, այս պահի տվյալներով առաջադրված կուսակցությունների թիվը 8-ն է՝
«Հայաստանի եվրոպական»,
«Ժողովրդավարական համախմբում»,
«Քաղաքացիական պայմանագիր»,
«Հանուն սոցիալական արդարության»,
«Ուժը հայրենյաց»,
«Հանրային ձայն»,
«Ազգային առաջընթաց»,
«Հաղթանակ»։
Առաջադրման ավարտին մնաց 1 օր։
