ԱՄՆ Կոնգրեսի Ներկայացուցիչների պալատի անդամ Ջիմ Կոստան թվիթերում Ադրբեջանի գործողությունները դատապարտող գրառում է կատարել։
«Արդեն ավելի քան յոթ ամիս է, ինչ Ադրբեջանը արգելափակել է Լաչինի միջանցքը՝ խոչընդոտելով Լեռնային Ղարաբաղ կրիտիկական նշանակություն ունեցող ապրանքների մուտքը, ինչպիսիք են պարենը, վառելիքը և դեղորայքը:
Ադրբեջանը պետք է անհապաղ դադարեցնի իր շրջափակումը և ապահովի կենսական նշանակություն ունեցող մարդասիրական օգնության հասանելիությունը:
