Երևանի պետական համալսարանի նախկին ռեկտոր Արամ Սիմոնյանի կնոջը՝ Կարինե Մանասյանին, ու դուստրերին՝ Մարիամ Սիմոնյանին, Անի Սիմոնյանին ՀՀ գլխավոր դատախազությունը հրավիրել է ապօրինի ծագում ունեցող գույքի բռնագանձման գործերով վարչություն: Այս մասին տեղեկանում ենք azdarar.am հարթակից: Նրանք դատախազություն պետք է ներկայանան սույն թվականի փետրվարի 13-ին՝ ժամը 12:00-ին, իսկ նշված օրը և ժամին ներկայանալու անհնարինության դեպքում՝ օրը և ժամը համաձայնեցնելու նպատակով հարկավոր է նախապես տեղեկացնել:
Ծանուցագրի համաձայն, Արամ Հրաչիկի Սիմոնյանին պատկանող գույքի առնչությամբ իրականացվել է ուսումնասիրություն, որի արդյունքում կազմվել է ամփոփագիր:
