ԱԺ նախագահ Ալեն Սիմոնյանը Երևանի ընդհանուր իրավասության դատարանում հարցաքննվել է Ներքին զորքերի նախկին հրամանատար Լևոն Երանոսյանի գործով։ Խոսքը 2018թ. հանրահավաքների ժամանակ Լևոն Երանոսյանի կողմից նռնակի նետման գործի մասին է։
Լևոն Երանոսյանին մեղադրանք է առաջադրվել այն բանի համար, որ նա հատուկ միջոցների գործադրմամբ դիտավորությամբ կատարել է այնպիսի գործողություններ, որոնք ակնհայտորեն դուրս են եկել իր լիազորությունների շրջանակից և էական վնաս են պատճառել քաղաքացիների իրավունքներին ու օրինական շահերին, ինչպես նաև անզգուշությամբ առաջացրել են ծանր հետևանքներ։
Ալեն Սիմոնյանն այս գործով անցնում է որպես տուժող։
