Հայաստանի և Վրաստանի վարչապետներ Նիկոլ Փաշինյանն ու Իրակլի Ղարիբաշվիլին առանձնազրույց են ունեցել։
«Հայաստանի և Վրաստանի միջև տնտեսական համագործակցության միջկառավարական հանձնաժողովի հերթական նիստից առաջ առանձնազրույց՝ Իրակլի Ղարիբաշվիլիի հետ»,- «ֆեյսբուքի» իր էջում գրել է ՀՀ վարչապետ Նիկոլ Փաշինյանը՝ հրապարակելով նաև տեսանյութ։
Հիշեցնենք՝ Վրաստանի վարչապետ Իրակլի Ղարիբաշվիլիի գլխավորած կառավարական պատվիրակությունն այսօր աշխատանքային այցով ժամանել է Հայաստան: «Զվարթնոց» միջազգային օդանավակայանում վրացական պատվիրակությանը դիմավորել է ՀՀ փոխվարչապետ Տիգրան Խաչատրյանը, Վրաստանում Հայաստանի դեսպան Աշոտ Սմբատյանը և Հայաստանում Վրաստանի գործերի ժամանակավոր հավատարմատար Իրակլի Կվանչախաձեն։
