ՀՀ նախագահի հրամանագրով՝ Վահե Ղազարյանը նշանակվել է ՀՀ Ներքին գործերի նախարար՝ մինչ այդ ազատվելով ՀՀ ոստիկանության պետի պաշտոնից։
«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի.
Վահե Ղազարյանին նշանակել ներքին գործերի նախարար»,- ասված է Նախագահի հրամանագրով։
Հիշեցնենք՝ ավելի վաղ Radar Armenia-ն տեղեկացրել էր, որ ՀՀ ՆԳ նախարար կնշանակվի Վահե Ղազարյանը. ԱԺ-ն դեռ 2022թ. դեկտեմբերին ընդունել էր «Կառավարության կառուցվածքի և գործունեության մասին» օրենքում փոփոխությունների նախագիծը, համաձայն որի՝ ՀՀ-ում ստեղծվել է ՆԳ նախարարություն։
