Քաղաքական
«Լաչինի միջանցքի անհապաղ բացման վերաբերյալ միջազգային միանշանակ կոնսենսուս կա». Միրզոյան
ՀՀ արտաքին գործերի նախարար Արարատ Միրզոյանը «Թվիթերի» իր միկրոբլոգում գրառումներ է կատարել, որտեղ անդրադարձել է երեկ ՄԱԿ-ի ԱԽ-ում Լաչինի միջանցքի փակման հարցով քննարկումներին։
«ՄԱԿ-ի Անվտանգության խորհրդի երեկվա քննարկումը հստակորեն վկայում է Ադրբեջանի կողմից արգելափակված Լաչինի միջանցքի անհապաղ և անվերապահ բացման վերաբերյալ միջազգային ուժեղ և միանշանակ կոնսենսուսի մասին։ Հայաստանի և Լեռնային Ղարաբաղի միջև անվտանգ և ապահով կապը պետք է վերականգնվի»,- ասվում է նախարարի գրառման մեջ։
Միրզոյանը նաև շնորհակալություն է հայտնում ՄԱԿ-ի ԱԽ անդամներին իրենց դիրքորոշման համար. «Հայաստանը գնահատում է ՄԱԿ ԱԽ անդամների արդար և սկզբունքային դիրքորոշումը»,- ասվում է գրառման մեջ։
UN #SecurityCouncil yesterday's discussion clearly indicates the strong & unequivocal international consensus on immediate & unconditional opening of #LachinCorridor which is blocked by Azerbaijan. Safe & secure connection between Armenia and #NagornoKarabakh must be restored. pic.twitter.com/G9vw61SmPK
— Ararat Mirzoyan (@AraratMirzoyan) December 21, 2022
#Armenia appreciates the fair and principled stance of @UN Security Council members.
— Ararat Mirzoyan (@AraratMirzoyan) December 21, 2022
