ՀՀ առողջապահության նախարար Անահիտ Ավանեսյանը, անդրադառնալով լրատվամիջոցներում հրապարակված տեղեկություններին, հայտարարել է, թե հրաժարական տալու մտադրություն չունի։
Ինչ վերաբերում է նախարարությունում ՊՎԾ-ի իրականացրած ստուգումներին՝ նախարարը նշել է. «Պետական վերահսկողական ծառայությունը վերջին երկու տարիների ընթացքում մշտապես ստուգումներ է իրականացնում առողջապահական համակարգում, այլ տեղերում՝ ևս։ Ու ոչ միայն ՊՎԾ-ն, նաև՝ հաշվեքննիչ պալատը, այլ ստուգող կառույցներ։ Կրկնեմ պատասխանս՝ հրաժարական տալու որևէ մտադրություն այս պահին չունեմ»։
