ՀՀ ԱԺ-ն Լաչինի միջանցքում ստեղծված իրավիճակի առիթով արտահերթ նիստ կանցկացնի. այս մասին հայտարարել է ԱԺ տնտեսական հարցերի մշտական հանձնաժողովի փոխնախագահ Բաբկեն Թունյանը։
«Մենք այսօր մի քիչ էքստրաօրդինար վիճակում ենք այս նիստն անելու։ Ինչպես գիտեք, դեկտեմբերի 12-ի առավոտից Ադրբեջանը փակել է Լաչինի ճանապարհը, և, դրա հետ կապված, այսօր արտահերթ նիստ ենք ունենալու, երևի ժ․ 13։00-13։30-ի կողմերը»,- հայտարարեց Թունյանը` խորհրդարանական լսումների մասնակիցներին խնդրելով պահպանել հատկացված ժամանակը։
