ԱԺ «Հայաստան» խմբակցության պատգամավոր, ՀՅԴ ԳՄ ներկայացուցիչ Իշխան Սաղաթելյանը հայտարարել է, որ խմբակցության ներսում մանդատները վայր դնելու քննարկում է եղել։
«Չեմ թաքցնի՝ մանդատը վայր դնելու վերաբերյալ քննարկում եղել է։ Բայց ՀՅԴ Գերագույն մարմինը կայացրել է որոշում, որ «Հայաստան» խմբակցության բոլոր դաշնակցական պատգամավորները պետք է մասնակցեն խորհրդարանի աշխատանքներին։ Դաշնակցության մեջ անհատական, անձնական չկա այլևս, երբ կա ԳՄ որոշում։ Հետևաբար, ես իմ մանդատը վայր չեմ դնելու, եթե դնեինք, ապա դնելու էինք բոլորս»,- ասել Սաղաթելյանը։
Նա չի մեկնաբանել «Հայաստան» դաշինքի մաս կազմող «Վերածնվող Հայաստան» կուսակցության ներկայացուցիչների՝ մանդատները վայր դնելը. «Վերածնվող Հայաստան»-ը արել է իր հայտարարությունը, «Հայաստան» խմբակցությունը դրան պատասխանել է, ավելացնելու ոչինչ չունեմ»։
