Քաղաքական
Իշխանությունն ամեն ինչ անում է, որ կատարվածին իրավական գնահատական տրվի. փոխնախարարը՝ ռազմագերիների գնդակահարության մասին
ՀՀ արդարադատության փոխնախարար Գրիգոր Մինասյանն անդրադարձել է հայ ռազմագերիների գնդակահարությանը՝ նշելով, որ համացանցում հայտնված տեսանյութը նոր է, և գործիքակազմեր են կիրառվում՝ դիմելու ՄԻԵԴ և միջազգային արդարադատության դատարան։
Նա վստահեցրել է. «Իշխանությունն ամեն օր՝ 17-18 ժամ ամեն ինչ անում է, որ իրավական գնահատական տրվի այս ամենին։ Մենք ամեն բան անում ենք, որ նման բաները բացառվեն»։
Լրագրողների հետ ճեպազրույցում Մինասյանը կարծիք է հայտնել, որ պետք է ամեն գնով հասնել նրան, որ բացի հայտարարությունները, նաև ռեալ գործիքակազմեր կիրառվեն ու մեղավորները դատապարտվեն. «Այս տեսանյութը և վերջին ամիսներին տեղի ունեցած իրադարձությունները ցույց են տալիս, որ խաղաղությունը պետք է ժողովրդին, բոլորիս է պետք, իսկ այդ տեսանյութը ցույց է տալիս, որ անելիքները շատ են այս ուղղությամբ։
Սա ապացուցում է, որ օր առաջ մեր երկրին խաղաղություն է պետք»։
