Քաղաքական
Հայաստանը շատ վերապահումներ ունի Ադրբեջանի նկատմամբ Բելառուսի չափից ավելի սրտացավության նկատմամբ. Մնացականյան
ՀՀ նախկին արտգործնախարար Զոհրաբ Մնացականյանը անդրադարձել է Բելառուսի արտգործնախարար Վլադիմիր Մակեյի կողմից Նենսի Փելոսիի այցի մեկնաբանությանը։
«Բելառուսի արտաքին գործերի նախարարը կարծես թե իր կարծիքն ունի Նենսի Փելոսիի Հայաստան այցի մասին։ Ոչ լավ և անտեղի: Հայաստանը շատ վերապահումներ ունի Ադրբեջանի նկատմամբ Բելառուսի չափից ավելի սրտացավության նկատմամբ, որը հաճախ ի վնաս մեզ է»,- գրել է Մնացականյանը իր թվիթերյան էջում։
Հիշեցնենք, որ Բելառուսի արտգործնախարար Վլադիմիր Մակեյը նշել էր, որ ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի Հայաստան կատարած այցի նման այցերը նպաստում են հակամարտությունների սրմանը:
#Belarus FM seems to have an opinion about @SpeakerPelosi visit to #Armenia. Not good & inappropriate. #Armenia has a truckload of reservations about #Belarus excessive cordiality with #Azerbaijan, often to our detriment.
— Zohrab Mnatsakanyan (@ZMnatsakanyan) September 26, 2022
