Հայաստանում Իրանի Իսլամական Հանրապետության դեսպանը նոր կեցավայր կունենա Երևանում՝ Ծարավ աղբյուրի պողոցում։
Կառավարության այսօրվա նիստի օրակարգում ընդգրկված է Իրանի Իսլամական Հանրապետությանը Հայաստանի Հանրապետությունում հողամաս ձեռք բերելու թույլտվություն տրամադրելու որոշումը։
Ըստ նախագծի, Իրանի Իսլամական Հանրապետությունը օրենքով սահմանված կարգով, սեփականության իրավունքով Հայաստանի Հանրապետությունում ձեռք է բերելու Ռուզաննա Հողմիկի Սարգսյանին սեփականության իրավունքով պատկանող՝ Ավանում, Ծարավ աղբյուրի փողոց 111 բնակելի տուն հասցեում գտնվող անշարժ գույքը, որը բաղկացած է 0.13918 հեկտար հողամասից՝ դեսպանի կեցավայրի տեղակայման համար:
Նշենք, որ Ծարավ աղբյուրի փողոցում են նաև ՀՀ-ում Լեհաստանի և Արգենտինայի դեսպանների կեցավայրերը։
