Քաղաքական
Սուբվենցիոն ծրագրերի հայտերի ստացման գործընթացում դրական դինամիկա կա
ՀՀ փոխվարչապետ Համբարձում Մաթևոսյանը հայտարարել է, թե Հայաստանում համայնքների խոշորացումից հետո սուբվենցիոն ծրագրերի հայտերի ստացման գործընթացում դրական դինամիկա կա:
Կառավարության նիստում նա նշել է. «Եթե միջինացված տվյալ ասեմ, ապա 2019 թվականին մեկ մարզի կտրվածքով եղել է 1,5 մլրդ դրամի սահմաններում: Այսօր արդեն տասնապատիկ ավելի աճ ունենք: 2021 թվականին թվում էր, թե կարողությունների աճը հասել է այն մակարդակին, որ համայնքներն ավել հայտեր չեն ներկայացնելու»։
Ըստ Համբարձումյանի՝ այսօր ստացված հայտերի նախական տվյալներով արժեքը կազմում է մինչև 13 մլրդ դրամ:
ՀՀ վարչապետ Նիկոլ Փաշինյանը, կարևորելով սուբվենցիոն ծրագրերի իրականացումը, նշեց, որ 2018 թվականից մինչ այսօր մոտավոր 350 մլն դոլարի ներդրում է կատարվել. «Այդ թիվը գնալով աճելու է: Ցավոք, մեր համայնքներում այնքան շատ են խնդիրները՝ ճանապարհներ, լուսավորություն, որ մեծ ներդրումների պոտենցիալ կա: Այնպես որ, համայնքների խոշորացման ու դրան հարակից որոշումները շատ կարևոր են»։
